Legenda Putri Runduk dan Terjadinya Pulau Putri serta Nama Musik Sikambang

Patung Putri Runduk Yang Dibangun Dikota Sibolga

Alkisah dahulu kalo tasiar Nagari nan sangat makmur nan banamo Kota Guguk, Kota Beriang, dan Kota Muara nan beribukota Barus. Barus dipimpin saurang ratu padusi nan banamo Ratu Jayadana. Konon caritonyo manuruk versi lain Ratu Jayadana adolah Putri Runduk. Tu curito ko adolah curito legenda nandicuritokan sacaro turun-tamurun sampe saat kiniko.

Putri Runduk kourangnyo sangat rancak bana, sangkin rancaknyo sampe tasiar ka saluruh panjuru nagari, dan kecantikan Putri Runduk sampe juo didanga oleh Rajo Janggi nan barasal dari nagari Sudan dan rajo dari katurunan Cino. Rajo Janggi dan rajo dari Cino ko baka inginan untuk maminang Putri Runduk nan rancak rupawan ko. Namun Putri Runduk jelas-jelas manulak pinangan sidak dek karano dari Putri Runduk ko alah ba agama Islam.

Kironyo, Rajo Sanjaya dari kerajaan Jawo Mataram pun tong juonyo mandanga kecantikan Putri Runduk ko tadi dan datang juo untuk maminang Putri Runduk. Namun tatap ditulak oleh Putri Runduk. Akhirnyo Rajo Sanjaya cemburu dan murka, karano Raja Janggi dan Rajo dari Cino tu telah duluan nandak maminang Putri Runduk. Rajo Sanjaya akhirnyo manyarang dan memporak-porandakan pasukan Raja janggi nan barasal dari Sudan dan rajo dari Cino ko, sahinggo balarianlah sidak, ado nan tunggang-langgang ka lawik, ado nan basondok ka hutan, sarupo nan dikisahkan di dalam carito Pahariangan nan ditulis di daun lontar dalam bahaso Sunda. Dan talah ditelusuri juo oleh sarjana Polytes dan di salin juo oleh Prof. Dr. Purbo Coro, 734 M. Rajo Sanjaya anak sena mamparoleh kamanangan dari kerajaan Bali, Bima, Melayu, Keling, Barus, dan Cino.

Singkek carito, Putri Runduk ditawan oleh Rajo Sanjaya.

Serupo sair pantun ko :

Kota Guguk Kota Beriang
Katigo kota di muaro
Ayam bakukuk tandonyo siang.
Puteri Runduk ditawan Jawo

Di dalam kakacauan tu Putri Runduk basamo pengawal setianyo banamo Sikambang Bandaharo dapek malarikan diri naik biduk ka Pulau Mursala. Namun di dalam pelarian tu tadi baceceran barang-barangnyo sarupo kain, salendang, dan seterika. Sejalan jongon waktu, di Pulau Mursala tu dibangun sidak mahligai dan kerajaan.

Samantaro di tapian Rajo Janggi tarus mamimpikan Putri Runduk sahinggo ala bakiro urang kamatian bini duduk salah, makan indak lamak, tidu indak mau nyanyak macam pantun nan balahek lahek ko :

Atok nan indak taratokkan
Atok nan dari kabun palak
Mato nan indak talalokkan
Mandanga kukuk ayam jalak

Pulau putri pulau panginang
Katigo pulau anak janggi
Lapik putih banta bamiang
Racun bamain di dalam hati

Guruh patus manubo limbek
Pandan tasanda di subarang
Tujuh ratus carikan ubek
Badan batamu makonyo sanang.

Legenda Putri Runduk dan Terjadinya Pulau Putri serta Musik Sikambang.

Satelah sakian lamo Rajo janggi mancari kaberadaan Putri Runduk, akhirnyo kabar Putri ditamukannyo juo di Pulau Mursala. Rajo Janggi nan alah sangat jatuh hati pado Putri Runduk akhirnyo mangapung Kerajaan tu. Namun kironyo Putri Runduk indak hilang akal bamusyawarah inyo samo Sikambang Bandaharo dan dimintanyolah syarat ka Rajo Janggi untuk manyatukan Pulau Mursala ka tapian. Dek sangkin cintanyo ka Putri Runduk akhirnyo disiapkannyo rantai gadang dikabekkannyo pas di tangah-tangah Pulau Mursala dan ditariknyo Pulau Mursalako tadi dari Bukit Samampolu.

Hari demi hari, minggu demi minggu hinggo bulan pun berlalu Pulau Mursala ko indak juo tatariknyo. Rajo Janggi indak mau kalah tatap didatanginyo Putri Runduk, dalam hatinyo ala kapalang basah sapolonyo banala.

Sipasan baranak putih
Jatuh ka lantai potong duo
Pacah sampan ganti jo upih (mayang pinang)
Namun pulau dihadang juo

Sawaktu Rajo janggi nandak mamalukkan Putri Runduk, samakin bancila Putri ka Rajo Janggi, sampai akhirnyo Putri Runduk mahampok Raja Janggi jongon tungkeknyo nan tabuek dari akar bahar sahinggo Rajo Janggi manjadi batu dan Putri Runduk manyilam ka dasar lawik dan indak kembali lai. Pengawal pribadi Putri Runduk, Sikambang Bandaharo sangat sadih hatinyo dan tarus maratopi kepergian Putri Runduk.

Tinggallah sebungkus nasi Putri Runduk itu dan kini telah menjadi pulau yaitu Pulau Situngkus. Talamnyo manjadi Pulau Talam, kain nan baserakan jadi Pulau Lipek Kain, Pulau Setrika, dan Pulau Putri.

Labekla hujan di Mursala
Kambanglah bungo parawitan
Bintang di langik nan punyo salah
Ombak di lawik mananggung kan

Pulau baka Pulau Situngkus
Katigo Pulau Lipek Kain
Sauh caka pandarat putus
Labuhan bakisar kanan lain

CATATAN:

Manurut carito turun-tamurun, bahwa musik Sikambang Pasisi Tapanuli Tengah, Siboga, barasal dari namo Sikambang Bandaharo . Irama Sikambang dimainkan oleh limo urang Terdiri dari tiga pemain gendang, satu pemain biola, dan satu orang pemain akordion.

Jika Ingin Cerita Diterbitkan Kedalam Bahasa Indonesia, Harap Hubungi Admin Melalui Contact Form.. Atau Bisa Juga Meninggalkan Komentar di Kolom Yang Telah Disediakan